Kuch saalo baad…
Ye pal bahut yaad aayenge
Jab in aankhon me palte sapne,
Haqeeqat me badal jayenge
Ek dusre ki taang khichne ko taras jayenge,
Jab hum sab apne apne pairon par khade ho jayenge…
Baarish ke mausam me
In yaadon ke aansoon baras aayenge
Jab udaas hone par ek dusre ko…
Gale nahi laga payenge
Khushiyaan toh zamaane bhar ki khareed layenge…
Par khushiyaan baantne ke liye…
Lamhein kam pad jayenge!!!
Chai ki chuskiyaan yaad un dosto ki dilayegi
Dil ke kisi ek kone me jab yaadein uthal-puthal machayegi
Akele jab bhi honge, ye aankhein nam ho jayegi
Ye khatti-meethi baatein jab ek sureela sargam ban jayegi
In palon ko dil kholke jee lo yaaron…
Kyuki zindagi apna ye geet fir nahi gungunayegi!!!
Kuch saalo baad ye pal bahut yaad aayenge
Jab hum sab alag alag rangon me rang jayenge
Haathon se ye haath hamesha ke liye chhut jayenge,
Jab hum sab apni apni raahon par chale jayenge!!!
-Sahil
poolofpoems 