Dosti

Anjaani raahon par chal pade the ye kadam…

Socha na tha ki itni dur nikal aaenge.

Chalna sikha hi tha abhi in nanhne se kadmo ne…

Kise pata tha umeedo ke par inhe uda le jayenge !!!

Sunehre se uss samay ki taaza hai aaj bhi wo yaadein…

Jab kap-kapati in hatheliyon ko thaamkar chal pade the ek naye safar par.

Maloom nahi tha ye ajnabee itna apnapan dikha jayenge…

Dosti ka asli matlab, aur meri zindagi ban jayenge !!!

Waqt ki dehleez par kuch log judaa hogae…

Kuch do waqt ki roti kamaane me aur kuch zindagi sanwaarne me lag gae.

Hasratein tab bhi jawaan thi… Aaj bhi jawaan hai,

Hausla tab bhi buland tha… Aaj bhi buland hai,

Saath nahi hai toh kya hua ae dost…

Zindagi tab bhi tujse hi thi… Aur aaj bhi tujse hi hai !!!

Aaj bhi wo lafz nahi jinse tera shukriya ada kar saku,

Aisa koi tohfa bhi nahi jinse tera karz utaar saku…

Bas duaa hai upar wale se…ye dosti ki kitaab yuhi likhti rahe…

Iske har panne me teri parchhai dikhti rahe…

Saath tera ho… Dil me tu sadaa rahe…

Har janam me muje bas teri hi dosti milti rahe !!!

-Sahil