Me Waqt Hoon!

Me waqt hu…beet jaunga…
Kaisa bhi ho daur…Accha ya bura,
Me nikal jaunga!

Har pal me marta hu
Har pal mera naya janma hota hai,
Ek pal me jee kar marna 
Aur ek pal me mar kar jeena
Sach me yaaron bada kathin hota hai!
Tanha sa firta hu aksar raahon me,
Yun toh kabhi kahi kuch ajnabee mil jaate hai,
Par koi saath nahi deta mukaam paane me!
Bas khaamosh akela har pal yunhi chalta chala jaunga,
Me waqt hu…pal bhar me kat jaunga!!!

Me hawa ki tarah hu,
Behta hun par dikhta nahi!
Uss suraj ki roshni ki tarah hu,
Jise mehsoos kar sakte hai par rok sakte nahi!
Aisa nahi ki muje ehsaas nahi hota
Dil mera bhi hai, me bhi tadapta hu,
Jab koi dard ke aansoon hai rota
Mann karta hai ki tham jau kuch der,
Aur baant lu uska dard uski tadap!
Aisa bhi nahi ki muje khushi pasand nahi,
Aakhir me bhi baccha hu, muje bhi shauk hai
Dusron ki khushiyon me shaamil hone ka,
Magar kya karu…waqt hu…
Ruk nahi paunga…
Dono ko saath liye chalta chala jaunga!!!

Haath thaamke mera tum bhi saath chalo,
Thodi mushkil zarur hai raahein,
Magar yahi hai sahi dagar meri baat suno!
Kisi parcchai kisi saaye ko dekh tum bhatak na jaana,
Jo nikal gaya me aage, toh dhundh nahi paaoge,
Yaad rakhna,
Me waqt hu…mudkar waapas nahi aaunga!!!

Me waqt hu…beet jaunga…
Kaisa bhi ho daur…accha ya bura…
Me nikal jaunga!!!

– Sahil

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s