Kuch-kuch ab me samajhne laga hoon!

Kuch-kuch ab me bhi samajne laga hoon
Wo gupt baatein duniya ki
Jo meri anupastithi me hoti thi,
Aur wo bado ke jhagde aur kisse
Jo band kamre me hi rehte the,
Ab me bhi wo sab sunne laga hoon
Dekhne laga hoon!
Kehte suna hai mene logo ko aajkal,
Kuch kuch ab me bhi bada hone laga hoon!!!

Kehte hai duniya badi ajeeb paheli hai
Hai kuch aur par dikhti kuch aur hai,
Khudme pehle se hi uljha hua me ab aur bhi darne laga hoon!
Duniya me kadam rakhe hi the abhi ki
Duniyadari me ab dhalne laga hoon!
Rote hua muskurana aur hanste hue rona seekh gaya hoon,
Dard apne andar chupakar bado ki tarah ab gale milne laga hoon!
Bhaage ja raha hoon sabki tarah, na jaane jaana kaha hai,
Belagaam lagti hai zindagi, na jaane kis paani ki pyaas hai!
Shaayad zimmedariyan uthakar me bhi ab har roz chalne laga hoon!
Kehte suna hai mene logo ko aajkal
Kuch-kuch ab me bhi kamaane laga hoon!!!

Kisi ke jaane se ab fark nahi padta
Kisi ke aane ka ab jashn nahi hota,
Dusron se ummeedein kam
Aur apne aap me zyaada rehne laga hoon,
Filmon ki duniya hamesha sacchi nahi hoti
Me bhi ab ye samjhne laga hoon,
Kuch apno ko chhod kar
Raah me jo mil gaya bas uske hi saath chalne laga hoon!
Kehte suna hai mene logo ko aajkal
Kuch kuch ab me bhi badalne laga hoon!

Zindagi me sab kuch ab badalne laga hai
Wo subah shaam ka mamool ab itihaas sa lagne laga hai,
Ehsaas hota hai ki ab me thoda sambhalne laga hoon
Betuki baaton ko darkinaar kar, apna ek nazariya rakhne laga hoon!
Kehte suna hai mene logo ko aajkal
Kuch-kuch ab me bhi khaamosh rehne laga hoon!
Ehsaas hota hai kabhi-kabhi…
Kuch-kuch ab me bhi bada hone laga hoon…
Kuch-kuch ab me bhi samajne laga hoon!!!

~ Sahil

Advertisements

One thought on “Kuch-kuch ab me samajhne laga hoon!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s