Kalam, Kaagaz aur Mein!

Aaj kuch alag sa ehsaas hua
Jab mene apni kalam uthai,
Kaagaz ke shwet rang ne
Aaj kuch alag si baat bataai!
Yun toh roz iss kalam aur kaagaz ki
Jugalbandi sajti hai,
Hazaaron khwaab aur laakhon alfaaz
Apne ishaaron par rachti hai
Par na jaane kyu…
Aaj iss kaagaz ko,
Meri ye kalam
Kuch zyaada hi raas aai!!!

Kehne ko toh bada saral hai
Ye kaagaz, kalam aur lafzon ka khel,
Choti si umar me thama dete hai
Inhe haathon me,
Kehte hai bana lo apni zindagi
Iss khel ko baar baar khel!
Par jinhe andaaza hai
Shabdon ki taaqat ka,
Unhe pata hai ki
Nahi hai ye koi baccho ka khel
Arsa beet jata hai
Inme maharath haasil karne me,
Aur jo karle
Wo kara dete hai bhaavnaao ka…
Lafzon se mel!!!

Mere shabd agar teer hai
Toh kalam uska dhanush
Aur kaagaz uski tarkash,
Nikle jo teer tarkash se
Dhanush se hi mile use maqsad!
Adhoore hai shabd kaagaz ke bina
Aur kora hai kaagaz kalam ke bina,
In teeno me hi rukhsat
Meri zindagi ka saar
Aur yaadon ka gavaah!
Yunhi kaid hote rahe
Ye din in panno me,
Aur yunhi chalti rahe ye kalam
Jabtak ye haath na ho kafan me!
Waqt ki unchi meenaaron ke peeche
Kahi kho na jana,
Kalam aur kaagaz —
Bas meri parchhai ki tarah tum
Mere saath chalte chale jana!!!

Aaj kuch alag sa ehsaas hua
Jab mene apni kalam uthai,
Kaagaz ke shwet rang ne
Aaj kuch alag si baat bataai!!!

~Sahil

Advertisements

2 thoughts on “Kalam, Kaagaz aur Mein!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s